Kari Leine Balog (f. 1950) er sokneprest i Selje i Nordfjord. Ho er ihuga pilegrim, og ho er forfattar. Dette er hennar 7. bok.
Den økumeniske pilegrimsvegen heilt aust i Tyskland var som eit gledessjokk for forfattaren då ho kom dit for fyrste gong i 2010. Ho fann ein skatt som lenge var gøymt bak eit teppe av jern. Ho fekk vita om ein eldgammal handels- og pilegrimsveg frå aust til vest, Via Regia, kongevegen. Sjølv er ho engasjert i utvikling av Sunnivaleia frå Florø/Kinn til Selje i Nordfjord. Så ho kan ikkje dy seg for å ta med eit lite glimt derifrå til slutt.