Dette er ikkje ei bok i filosofihistorie. Dette er ei bok som gjev inspirasjon til undring og samtalar om alle dei vanskelege spørsmåla i livet som det ikkje finst fasitsvar til. Boka viser korleis de saman kan bruke filosofiske spørsmål som grunnlag for dialog, refleksjon og kritisk tenking. Over tid kan boka bidra til å byggje opp ein filosofisk tenkjemåte både hos deg og elevane dine. Samstundes lærer de å samtale på ein respektfull og inkluderande måte. Dialogos passar særs godt for deg som ynskjer å føre inn ein ny metode i RLE-undervisninga, og er svært nyttig for deg som ynskjer eit spennande og praktisk supplement i fag som norsk, samfunnsfag og naturfag. Steg for steg får de innføring i tenkjemåte og metode.