Pakke med 10 stykk Leseteater 1 Leseunivers frå Cappelen Damm Leseteater er tekstar som består av replikkar. Desse kan elevane lese i rolle, anten for seg sjølv, i par eller i grupper. Tekstane er populære hos elevane fordi det er gøy å gjere lesinga sosial, fordi dei ofte blir mindre nervøse av å lese høgt når dei gjer det i rolle, og fordi dei får pustepausar i lesinga under dei andre sine replikkar. Med desse tekstane øver elevane opp leseflyten, og dei får høve til repetert lesing. Ikkje minst eignar tekstane seg ypparleg til dramatisering. Leseteater 1 inneheld morosame, nyskrivne tekstar av Pia Tveterås og Kristin Linnesholm. Dei har humoristiske og fargerike illustrasjonar av Hans Jørgen Sandnes. Bøkene blir gitt ut i samband med Leseunivers frå Cappelen Damm. Les meir om Leseunivers på cdu.no
